د اوبو او انرژي وزارت جومات د ترمیم چارې بشپړې او ګټې اخیستنې ته وسپارل شو.

د جومات د پرانیستې مراسمو کې د اوبو معین محترم مجیب‌ الرحمن عمر اخندزاده، د مقام دفتر لوی رئیس قاري محمدعبدالعزیزعزیز، د ترکیې هيواد د  IDDEF مؤسسې مشر الشیخ محمد توران، ورسره یو شمير علماء کرام او  د وزارت کارمندانو ګډون درلود. 

په یادو مراسمو کې محترم معین صاحب د جومات د ارزښت او اهمیت په اړه خبرې وکړې، ویې ویل چې جومات د مسلمانانو د معنوي تربیې، د دیني شعایرو د ادا کولو او د ورورولۍ د پیاوړتیا یو مقدس مرکز دی، او اسلامي امارت د دې ډول دیني ځایونو ترمیم، آبادۍ او ساتنې ته ځانګړې توجه لري.

د اوبو او انرژي وزارت جومات چې  مخکې ددوي لخوا جوړ شوي و د لمونځ کوونکو لپاره کافي نه و، د ترکیې هېواد د IDDEF خیریه مؤسسې په مالي ملاتړ د وزارت په تخنیکي همغږۍ او څارنې سره په معیارې ډول ترمیم او بیا ورغول شو.

د ترکیې هېواد د  IDDEF خیریه مؤسسې مشر الشیخ محمد توران هم د خپلې وینا پر مهال د افغانانو له اسلامي روحیې، تقوی او همکارۍ ستاینه وکړه او ژمنه یې وکړه چې د افغانستان له مسلمان ولس سره به پۀ دیني برخو کې د مرستو لړۍ جاري وساتي.

 یاده دې وي چې د  IDDEF خیریه مؤسسه پۀ ډيرو اسلامې هيودانو کې جوماتونه او دینې مدارس جوړوي.