د اوبو او انرژي وزارت د اوبو معینیت د همغږي ناسته ترسره شوه.
د اوبو او انرژي وزارت د اوبو معینیت کې د افغانستان اسلامي امارت د کابینې د 10/1/1444 نیټې د دوهمې ګڼې مصوبې د پلي کیدو په پار د هېواد د اوبو د مدیریت په برخه کې د همغږي ناسته ترسره شوه.
یاده ناسته د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده تر مشري لاندې د وزارت اوبو سکتور د رئيسانو په ګډون ترسره شو.
په دې ناسته کې، د کابینې د پریکړې په هکله د هېواد د اوبو د مدیریت په اړه لکه څښآک اوبو ته د خلکو لاسرسۍ، د اوبو سرچینو مدیریت، د اوبو قانون تر چتر لاندې د اوبو او انرژي پروژو پلي کول او دې ورته یو شمېر اړوند موضوعګانو باندې بحث او د نظر تبادله وشوه.
همدارنګه په دې هکله ټولو ریاستونو ته دنده وسپارل شوه، ترڅو د یادو موضوعګانو تخنیکي توضیحات په بشپړه توګه د اوبو له معینیت سره شریک کړي.
