د اوبو او انرژي وزارت د اوبو معین د افغانستان د پراختیا او ساتنې ټولنې له رئیس سره وکتل.
د اوبو او انرژي وزارت د اوبو معین انجنیر مجیب الرحمن عمر اخندزاده د افغان د پراختیا او ساتنې د ټولنې موسسې له رئیس انجنیر اسدالله کریمي سره وکتل او د کبانو د فارمونو د جوړولو او په بندونو کې د ځنګلونو د ایجادولو د پروژې د تطبیق په اړه یې خبرې وکړې. په دې غونډه کې د اوبو او انرژي وزارت د اوبو سکتور رئیسانو هم حضور درلود.
د افغان د ټولنې د پراختيا او ساتنې موسسی رئيس انجنير اسدالله کريمي د بهرنيو پانګوالو په مالي مرسته د غزني ولايت په سرده بند کې د کبانو د فارم جوړولو او د ځنګلونو د جوړولو د پروژې د پلي کولو په اړه پريزنټيشن وړاندې کړ.
د اوبو او انرژي وزارت د اوبو معین ښاغلي انجینرمجیب الرحمن عمر اخندزاده د دغه پلان له تطبیق سره په هېواد کې د بهرنیو پانګوالو د پانګونې هرکلی وکړ او ټینګار یې وکړ چې د دغه پلان په تطبیق کې باید د هېواد ملي ګټې په پام کې ونیول شي. همدارنګه د هېواد د اوبو له قانون سره سم باید د یاد شوي پلان ټولې ګټې او منفي اغېزې له تطبیق مخکې په پام کې ونیول شي. د اوبو او انرژي وزارت د اوبو معین د افغان د ټولنې د پراختیا او ساتنې د موسسی رییس ته د خپلو همکاریو ډاډ ورکړ او په پای کې دواړو لورو هوکړه وکړه. چې د دغه وزارت ګډ تخنیکي ټیم او د افغان د پراختیا او ساتنې موسسه به په ګډه کار وکړي او دوی به د غزنی د سرده بند سیمې ته ولیږل شی ترڅو ساحه له نږدې څخه سروی او بررسی کړی
