د اوبو او انرژي وزارت د برېښنا مارکیټ حقوقي رئیس د شمال زون د انرژي کمیټې له مسئولینو سره وکتل
د اوبو او انرژي وزارت د برېښنا مارکیټ حقوقي رئیس الحاج محمد حارث زرمتي او ورسره مل تخنیکي ټیم د شمال زون د انرژي کمیټې له مسئولینو سره د شمال سیندیزې حوزې عمومي رئیس انجنیر رفیع الله مجتبی، د شمال زون د انرژي چارو د تنظیم آمر، د بلخ ولایت مقام او د صنعت او سوداګریو ریاست استازو او یو شمیر نورو سیمه ییزو مسئولینو په شتون کې وکتل او هغو شرکتونو ته چې د برېښنا انرژي د تولید، وېش او لیږد په برخو کې فعالیت کوي، د فعالیت د جوازونو ورکولو د پروسې په هکله یې بحث او د اندونو تبادله وکړه.
د ناستې په پای کې پریکړه وشوه، چې ټول هغه شرکتونه چې د برېښنا انرژي د تولید او وېش په برخه کې فعالیت کوي باید د اوبو او انرژي له وزارت څخه د فعالیت جواز ترلاسه کړي.
