د اوبو او انرژي وزارت د رهبري ناسته د دې وزارت د یو شمېر مهمو موضوعاتو د څېړلو په هکله ترسره شوه
یاده ناسته د اوبو او انرژي وزارت د سرپرست وزیر ښاغلي ملا عبداللطیف منصور تر رهبري لاندې د دې وزارت د عمومي رئيسانو په ګډون ترسره شوه.
په دې ناسته کې، د دې وزارت د اړوندو فعالیتونو د یو شمېر مهمو اداري او تخنیکي موضوعاتو په ځانګړې توګه په کابل ښار کې د غیر الکولي مشروباتو او معدني اوبو شرکتونو ته د اجازه لیک په هکله بحث او د اندونو تبادله ترسره شوه.
د ناستې په بهیر کې عمومي رئيسانو د کابل ښار د اوبو د مدیریت په برخه کې خپلې کړنې د وزارت د رهبري له مقام سره شریکې کړې.
د اوبو او انرژي وزارت سرپرست وزیر د یادو موضوعاتو او د رئيسانو د اندونو تر هر اړخیزې څېړنې وروسته، اړین تصمیمونه ونیول او د چارو پر ښه والي باندې يې ټینګار وکړ.
