د اوبو او انرژي وزارت د مالي او اداري عمومي ریاست نوی رئيس همکارانو ته ور وپېژندل شو
د اوبو او انرژي سرپرست وزیر محترم الحاج ملا عبداللطیف منصور د یوې غونډې په ترڅ کې د دغه وزارت د یو شمېر رئيسانو او کارمندانو په شتون کې، محترم قاري نجیب الله مبارک د اوبو او انرژي وزارت د مالي او اداري عمومي رئيس په توګه کارمندانو ته ور وپېژاند.
د اوبو او انرژي سرپرست وزیر د مالي او اداري د نوي عمومي رئيس د پېژندنې پر مهال له ټولو رئيسانو او کارمندانو څخه وغوښتل چې د خپلو مسؤلیتونو د ترسره کولو په برخه کې په رښتينې توګه هڅې وکړي او د چارو د ترسره کولو په برخه کې د اطاعت او شفقت اصولو ته لومړیتوب ورکړي.
د یادونې وړ ده، چې محترم قاري نجیب الله مبارک تر دې مخکې د اسلامي امارت په بېلابېلو برخو کې فعاله ونډه درلودلې او په هېواد کې د جهاد او اسلامي نظام د پیاوړتیا په بېلابېلو برخو کې ښې کارنامې لري.
