د اوبو او انرژي وزارت د معلوماتي ټکنالوجۍ ریاست غونډه د مخابراتو او معلوماتي ټکنالوجۍ وزارت د تخنیکي کارمندانو په شتون کې ترسره شوه

دغه غونډه د اوبو او انرژي وزارت د معلوماتي ټکنالوجۍ رئیس محترم انجینر حبیب الرحمن جلالزي په شتون کې د غوره او شفافو خدمتونو د وړاندې کولو په برخه کې د اړینو اسانتیاوو د رامنځته کولو لپاره د ټولو وزارتونو د سیستمونو د نښلولو په هکله د افغانستان اسلامي امارت د ریاست الوزراء عالي مقام د حکم د پلي کولو په موخه ترسره شوه.

د اوبو او انرژي وزارت د معلوماتي ټکنالوجۍ رئیس په دغه وزارت کې د رامنځته شویو سیستمونو په هکله هر اړخیز معلومات وړاندې کړل او د نوموړي حکم د پلي کولو لپاره یې بشپړ چمتووالی وښود.