د اوبو او انرژي وزارت د پانګونې د جذب رئيس د خان افغان چاینا شرکت له مسؤلینو سره وکتل
په دغه لیدنه کې دواړو لورو د ډبرو سکرو له سرچینو څخه د انرژي د تولید په پروژه کې د پانګونې په هکله بحث او د اندونو تبادله وکړه.
د نوموړي شرکت مسؤلینو په بغلان ولایت کې د ډبرو سکرو له سرچینو څخه د ۲۵۰ میګاواټه برېښنا د تولید په پروژه کې د پانګونې لپاره لېوالتیا څرګنده کړه او د اوبو او انرژي وزارت څخه یې په دې برخه کې د پانګونې لپاره د زمینې د چمتو کولو غوښتنه وکړه.
د پانګونې د جذب رئيس محترم انجنیر دادمحمد زرمتي هغوی ته ډاډ ورکړ، چې د اوبو او انرژي وزارت له هغوی سره د همکاري لپاره چمتو دی او د دغه وزارت تخنیکي ټیم چمتو دی چې له هغوی سره په ګډه د سیمې له ساحې څخه د سروې په موخه لیدنه وکړي.
