د اوبو او انرژي وزارت د پایداره انرژي رئیس په پکتیکا ولایت کې د لمریزې برېښنا له دوو دستګاو څخه لیدنه وکړه
د اوبو او انرژی وزارت د پایداره انرژي رئیس ښاغلي مؤمن بسمل او ورسره مل تخنیکي ټیم د پکتیکا ولایت مرکز ښرنې اړوند د لمریزې برېښنا له دوو دستګاوو څخه یې چې د ۱۶۵ کیلوواټه په وړتیا، او بل یې د ۴۵ کیلوواټه په وړتیا د پکتیا په زرمت ولسوالي کې د یوه خصوصي شرکت پورې اړوند دي ، لیدنه وکړه.
د پایداره انرژي ښاغلي رئيس او تخنیکي ټیم یې د پکتیکا ولایت له والي ، د پکتیکا او پکتیا د سیندیزو حوزو او د خصوصی شرکت له رئیسانو سره پر بېلا بېلو موضوعاتو باندې هر اړخیز بحث او د نظر تبادله وکړه.
ښاغلي مؤمن بسمل د پایداره انرژي رئیس د پانګونې د ملاتړ په موخه د پایداره انرژي د پراختیا په برخه کې د یاد شرکت مسئولینو ته د هغوي د ستونزو د هوارولو په پار د هر راز همکاري ژمنه وکړه.
