د اوبو او انرژي وزارت سرپرست نن د لوګر له والي سره وکتل
د ا.ا.ا د اوبو او انرژي سرپرست وزیر محترم ملا عبداللطیف "منصور" نن د لوګر ولایت ته د یوه سفر په ترڅ کې د یاد ولایت له والي محترم مالي خان سره د ولایت په مقر کې وکتل.په یاده کتنه کې چې د لوګر ولایت مرستیال محترم مولوي انعام الله "صلاح الدین" او د ولایت مقام د دفتر رئیس محترم مولوي میرویس هم حاضر وو ، دواړو خواوو د ولایت اړونده بیلا بیلو ستونزو په تیره بیا په یاد ولایت کې د بریښنا د ستونزو او په راتلونکې کې په دې ولایت کې د اوبو د بندونو او برېښنا د تولید سټېشنونو جوړولو په هکله د نظرونو تبادله وکړه. ښاغلي وزیر صاحب ډاډ ورکړ چې تر وروستي بریده به هلې ځلې وکړي تر څو د یادو ستونزو د حل او د ولایت د پرمختګ لپاره امکانات ولټوي او یادې چارې تر سره کړي. دغه راز وزیر صاحب په د دغه سفر په بهیر کې د لوګر ولایت د برېښنا رئیس ښاغلي مولوي منصورالحق او د لوګر سیندیزې حوزې رئیس الحاج عمراخان او د یادو ادارو له فني او اداري مسئولینو سره په جلا،جلا توګه ناستې تر سره کړې.د یادو ادارو رئیسانو د خپلو ادارو ستونزې له وزیر صاحب سره شریکې کړې، د دوی د ستونزو تر اورېدو وروسته ښاغلي وزیر صاحب دوی ته لازم هدایات ورکړل او هم یې د خپل وزارت له خوا د دوی مشکلاتو ته د رسیدګي ژمنه ورکړه.
