د اوبو او انرژي وزارت معين ښاغلي انجنیر مجیب الرحمن عمر (آخندزاده) د اوبو په معینیت کې د (iHH) په نوم خیریه بنسټ له استازو سره وکتل
په پیل کې د ترکيې او افغانستان د خلکو تر منځ د دوستۍ او همکاريو شاليد ته کتنه وشوه، او وروسته د (iHH) خیریه بنسټ استازو چي په ځينو افریقایي او آسيایی هیوادونو کې بیوزلو خلکو ته په مختلفو برخو کې بشري او عاجلې مرستې کوي، ژمنه وکړه چي دوي افغانستان ته د بشري او عاجلو مرستو او د ځينو پروژو لکه (د څښاک اوبو څاګانو، د اوبولګولو اړوند شبکو رغولو...) په برخه کې به عملي ګامونه د اوبو او انرژۍ وزارت سره په همغږۍ اخلي.
د اوبو او انرژي وزارت د پلاوي له خوا د (iHH) خیریه بنسټ استازو ته ډاډ او اطمینان ورکړل شو او د یادو پروژو د عملي کېدو لپاره د کافی معلوماتو او پروژو د شریکولو چې په ملي سطحه به په ټول افغانستان کې تطبیق کیږي تعهد تر سره شو.
په پای کې دواړو خواوو ټینګار وکړ ترڅو ژر تر ژره نوموړې پروژې پیل او تطبیق شي تر څو د افغانستان په ګوټ ګوټ کې بیوزلو او اړمنو کورنیو ته بشري او عاجلې مرستې تر سره شي.
د یادونې وړ ده چې دواړو خواوو د نورو شته بشردوستانه سازمانونو په جذبولو کې هم موافقه وکړه تر څو د بشري او عاجلو مرستو تر چتر لاندې د اوبو د ستونزو حل لړۍ سرعت ومومي او پراخه شي.
