د اوبو او انرژي وزارت نوی ویاند همکارانو ته ور وپېژندل شو
محترم قاري انجنیر مطیع الله عابد د اوبو او انرژي وزارت د ویاند په توګه د وزارت د اطلاعاتو او نشراتو رئيس محترم الحاج غلام جیلاني حق پرست له خوا په داسې حال کې همکارانو ته ور وپېژندل شو چې د کورنۍ پلټنې رئيس محترم مولوي عزیزالله سهار، اداري رئيس محترم مولوي حمیدالله دلاور او د وزارت یو شمېر نورو مسؤلینو هم ګډون درلودل.
محترم قاري انجنیر مطیع الله عابد د کمپیوټر ساینس پوهنځي څخه د لیسانس په کچه فارغ شوی او د قرآن کریم حافظ دی او دیني زده کړې یې هم پای ته رسولې او همدارنګه د دیني علومو د ښوونې په برخه کې څو کلنه کاري تجربه لري.
ښاغلی عابد تر دې وړاندې د اوبو او انرژي وزارت د معلوماتي ټکنالوژي په ریاست کې دنده ترسره کوله او د وزارت د رهبري د لزوم دید پر بنسټ د ویاند په توګه وټاکل شو.
