د اوبو او انرژي وزارت څلور تنه رئيسان په خپلو نویو بستونو کې همکارانو ته ور وپېژندل شول
د دغو رئيسانو پېژند غونډه د انرژي معین محترم الحاج ملا عبدالهادي یعقوب، د اوبو معین محترم مجیب الرحمن عمر آخندزاده، د وزارت مقام د دفتر عمومي رئيس محترم قاري محمد عبدالعزیز عزیز او د دغه وزارت د یو شمېر نورو رئيسانو په شتون کې ترسره شوه.
د ناستې په پیل کې، د وزارت د دفتر عمومي رئيس محترم قاري محمد عبدالعزیز عزیز د نویو رئيسانو د ټاکلو په تړاو د وزارت مقام د رهبري وړاندیز او د ریاست الوزرا لوړ مقام حکم د ټولو په شتون کې ولوست.
د نوموړو احکامو او وړاندیز پر بنسټ، هر یو د دغو شخصیتونو په خپل نوي بست کې ور وپېژندل شول:
- محترم انجنیر جان محمد حریفال د انرژي برنامو د رئيس په توګه،
- محترم رحمتولي رحماني د نوي کېدو وړ انرژي د رئيس په توګه،
- محترم انجنیر رفیع الله ستانکزی د پانګونې د جلب او جذب د رئيس په توګه،
- او محترم عارف مومند د اوبو برنامو د انسجام د رئيس په توګه.
د وزارت معینانو او د اوبو او انرژي وزارت د دفتر عمومي رئیس د دغه ادلون ، بدلون موخه د رهبري مقام لزوم دید، د کاري وړتیا لوړولو او د فعالیتونو د بهیر غورهوالی وباله او د دغو ریاستونو اړینو مسؤلیتونو ته په اشارې سره، نویو رئیسانو ته په ورسپارل شویو دندو کې د لا توفیق غوښتنه وکړه.
