د اوبو او انرژي وزارت کې د سیرت النبي(ص) آزموینه واخیستل شوه
دغه آزموینه د اوبو او انرژي وزارت د دعوت او ارشاد رئيس محترم مولوي ګل رحمن عارف په شتون کې واخیستل شوه، چې نږدې ۱۰۰ تنه د وزارت کارمندانو پکې ګډون کړی وو.
د برنامې په پيل کې، محترم مولوي ګل رحمن عارف د سیرت النبي(ص) د زده کړې د ارزښت او په دې برخه کې د معتبرو کتابونو د پېژندنې په هکله خبرې وکړې.
د اوبو او انرژي وزارت د دعوت او ارشاد رئيس د وزارت ټول کارمندان وهڅول چې د سیرت النبی(ص) له زده کړو څخه په خپل ورځني ژوند کې ګټه پورته کړي.
د یادونې وړ ده، چې د دغې برنامې کتابونه د روژې مبارکې میاشتې مخکې د دعوت او ارشاد ریاست له لوري پر کارمندانو باندې وېشل شوي وو.
