د اوبو او انرژي وزیر د ۷۷ ترکي شرکت له رئيس سره د کجکي بند د پراختیا د اهمیت او د برېښنا تولید د زیاتوالي په هکله خبرې وکړې
۵/ ثور/ ۱۴۰۵هـ ل
۸/ذوالقعده/ ۱۴۴۷هـ ق
د اوبو او انرژي وزیر محترم الحاج ملا محمد یونس آخندزاده د خپل کار په دفتر کې د ۷۷ ترکي شرکت له عمومي رئیس محترم سلیمان جیلیو سره وکتل او د کجکي بند د نوې پراختیا ( نوې پرچاوې)، د بند د پراختیا د اهمیت، د برېښنا تولید د زیاتوالي او د اوبو د غوره مدیریت په هکله خبرې اترې وکړې.
په دغه لیدنه کې، ښاغلي جیلیو د کجکي بند د نوې پراختیا ( نوې پرچاوې) په هکله د اوبو او انرژي وزیر ته اړین معلومات وړاندې کړل.
همدارنګه، په دغه لیدنه کې دواړو لورو د روانو او نويو پلان شوو پروژو په هکله هم بحث او د نظرونو تبادله وکړه.
د دغې ناستې په پای کې د ۷۷ ترکي شرکت عمومي رئیس د اوبو او انرژي وزیر ته رسمي بلنه ورکړه، چې د یتیم تاق سمنټو پروژې د ودانیزو چارو په پرانیست غونډه کې ګډون وکړي.
