د اوبو او انرژی سرپرست وزیر محترم ملا عبداللطیف منصور د پکتیکا ولایت لۀ یو شمېر قومي مشرانو او مخورو سره وکتل
د ا.ا.ا د اوبو اوانرژی سرپرست وزیر محترم ملا عبداللطیف منصور په داسې حال کي چي د وزارت مالي او اداري عمومی رئیس حاجی محمد الدین نیازی هم حاضر وو، د ناستو پۀ تالار کې د پکیتکا ولایت لۀ یو شمېر قومي مشرانو او مخورو سره وکتل
د دې ناستې په سرکې د اوبو او انرژي وزارت سرپرست ښاغلي منصور لومړی دوی ته ښۀ راغلاست ووایۀ او د دوی له راتګ څخه یې مننه وکړه.
ورپسې یادو قومي مخورو د اوبو او برېښنا پۀ برخه کې د خپل ولایت ستونزې او نظرونه د اوبو او انرژي وزارت له رهبرۍ سره شریک کړل.
ښاغلي وزیر د دوی د ستونزو او نظرونو تر اورېدو وروسته دوی ته ډاډ ورکړ چې شرائطو او امکاناتو ته پۀ کتو به د دوی د ستونزو د حل پۀ برخه کې اړونده ادارو ته لازم هدایات ورکړي تر څو د دوۍ ستونزې حل شي، ناسته د یوې دعائیی په لوستلو سره پای ته ورسېده.
