د اوبو او انرژۍ وزارت معين ښاغلي انجنیر مجیب الرحمن عمر (آخندزاده) او ورسره مل پلاوي د ترکيي په استانبول ښار کې د ترکيي د بهرني اقتصادي کمیسیون بورډسره وکتل
د اوبو او انرژۍ وزارت معين ښاغلي انجنیر مجیب الرحمن عمر (آخندزاده) او ورسره مل پلاوي د ترکيي په استانبول ښار کې د ترکيي د بهرني اقتصادي کمیسیون بورډ(DEIK) غړو او د اوبو او انرژۍ برخې سترو شرکتونو سره وکتل. په کتنه کي د پلاوي له خوا یاد مجلس ته د اوبو او انرژۍ په برخه کي د افغانستان د راتلونکو پروژو او پانګه اچونو د فرصتونو هر اړخیز معلومات(پرزنټېشن) وړاندې شو او په افغانستان کې یې د پانګه اچونکو لپاره د پوره امنیت او همکارۍ ډاډ ورکړ او پانګه اچونکي یی تشویق کړل تر څو په افغانستان کې د پانګې اچونې فرصتونه له لاسه ورنکړي.
د یاد پلاوي له خوا د مجلس غړو ته د افغانستان د بانکي سیستمونو د ښه کیدا او د دوی د پانګې اچونې د ضمانت لپاره اطمینان ورکړل شو. او دوی ته یی د افغانستان د ترکار لاندي پروژو د دوام او د شته لویو قراردادونو د دتطبیق چې د تیرې ادارې له خوا قرارداد شوي ول د پروژو د بیا پیلیدا په هکله معلومات ورکړل، د مثال په ډول د کجکی دوهم فاز پروژه چي يوه د سرمایه ګذاري پروژو ده او د ترکي٧٧ شرکت له خوا پلي کیږي چارې یی د ااا په راتګ سره لا ګړندۍ شوي چی د پروژی لمړی مرحلې (١٠٠ میګاواټه ) بریښنا تولید به په راتلونکو ٢ میاشتو کې پیل شي
په پای کې سلیمان جلیو چي د ٧٧ شرکت ریس او د افغانستان لپاره د DIEk مشر دی ؛ د ااا څخه رضایت وشود او دمجلس غړي يي و هڅول ترڅو په افغانستان کې پانګه اچونې وکړي.
