د اوبو رسولو او اوبو لګولو د تنظیم رئيس د کرنې او مالداري وزارت له مسؤلینو سره وکتل
د اوبو او انرژي وزارت د اوبو رسولو او اوبو لګولو د تنظیم رئيس محترم انجنیر محمد اسماعیل عمار او ور سره مل د یاد ریاست انجنیرانو د کرنې او مالداري وزارت له مسؤلینو سره وکتل.
په یاده لیدنه کې د کابل ښار په لودیځه ساحه کې د بادرنګو فارمونو د فعالیت، زیانونو او د یادو فارمونو د خړوبولو لپاره د ځمکې لاندې اوبو سرچینو څخه د ګټې اخیستنې او اغیزه یې د ځمکې لاندې اوبو پر پر سرچینو باندې بحث او د اندونو تبادله وشوه.
همدارنګه په دې ناسته کې د کرنې وزارت مسؤلینو ته د کابل ښار د اوبو سرچینو، د هغوی د اهمیت او د بادرنګو د فارمونو د فعالیت د زیانونو په هکله هر اړخیز معلومات د یوه پرزنټیشن په ترڅ کې وړاندې شول او د دواړو وزاتونو د مسؤلینو ترمنځ د ګډو ناستو پر دوام باندې ټینګار وشو.
