د اوبو معینیت اونیزه تخنیکي ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د اوبو سکتور د ټولو رئيسانو، سلاکارانو او یو شمېر کارپوهانو په ګډون ترسره شوه.
په دغه ناسته کې د بېلابېلو موضوعاتو لکه د چارو د غوره والي په موخه د مرکزي او ولایتي ریاستونو ترمنځ د لا زیاتو همغږیو، په ولایتونو کې د چکډمونو پروژو د پرمختګ او د پلي کولو کیفیت د وضعیت او د اوبو سکتور اړوند یو شمېر نورو موضوعاتو په هکله بحث او د اندونو تبادله وشوه.
د ناستې په بهیر کې رئیسانو خپل راپورونه او اندونه وړاندې کړل او وروسته د اوبو معین د چارو د انسجام او غوره ترسره کولو په موخه اړوندو مسؤلینو ته اړینې سپارښتنې او لارښوونې وکړې.
