د اوبو معینیت اونیزه تخنیکي ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشري لاندې د اوبو سکتور د رئيسانو او تخنیکي مسؤلینو په ګډون ترسره شوه.
په دغه ناسته کې، د بېلابېلو تخنیکي موضوعاتو لکه د ملي پراختیا شرکت سره د همکاریو او د اوبو معینیت اړوندو ریاستونو د ۱۴۰۳ کال لپاره د کاري پلانونو د جوړولو په هکله بحث او د اندونو تبادله وشوه.
د ناستې په بهیر کې، رئيسانو د نوموړو موضوعاتو په هکله خپل معلومات او اندونه وړاندې کړل او وروسته، د اوبو محترم معین اړوندو مسؤلینو ته د چارو د لا غوره ترسره کولو لپاره اړین هدایات او سپارښتنې وکړې.
