د اوبو معینیت اونیزه تخنیکي ناسته د کندهار ولایت د ارغستان ولسوالي د لوري بند د تفصیلي ډیزاین او ورته نورو موضوعاتو په هکله ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د اوبو سکتور د رئيسانو، تخنیکي مسؤلینو او سلاکارانو په شتون کې ترسره شوه.
په دې ناسته کې، دکندهار د لورې بند په هکله پر بحث برسېره د کیفیت کنټرول ریاست کارمندانو د کمال خان بند د دریم فاز پروژې د څېړلو په هکله پرزنتیشن وړاندې کړ.
د ناستې په دوام کې د اوبو لګونې، اوبه رسونې او کانالازاسیون ریاست له خوا د زرنجونوبه واسطه د څښاک اوبو د انتقال په طرحه هر اړ خیز بحث وشو.
د اوبو ښاغلي معین د یادو موضوعاتو تر څېړلو وروسته، اړوند مسؤلینو ته لازم تخنیکي هدایات ورکړل او د اوبو د مدیریت په برخه کې یې پر لا زیاتو هڅو باندې ټینګار وکړ.
