د اوبو معینیت اونیزه تخنیکي ناسته د یاد معینیت د بېلابېلو تخنیکي موضوعاتو په هکله ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د اوبو سکتور د رئيسانو، سلاکارانو او تخنیکي مسؤلینو په ګډون د یاد معینیت د غونډو په تالار کې ترسره شوه.
په یاده ناسته کې، د بېلابېلو موضوعاتو په ځانګړې توګه په کابل ښار کې د خصوصي شرکتونو له لوري د پیرودونکو لپاره د باران اوبو د جذب څاه ګانو د کیندلو په هکله یادو شرکتونو ته د رسمي مکتوب اجرا او په بېلابېلو ولایتونو کې د بندونو، کانالونو او سربندونو د ساتنې او مراقبت د ستونزو د حل په هکله بحث او د اندونو تبادله وشوه او اړین تصمیمونه ونیول شول.
د اوبو ښاغلي معین، د یادو موضوعاتو په هکله اړوندو مسئولینو ته د چارو د غوره ترسره کولو په موخه اړینې لارښوونې وکړې.
