د اوبو معینیت اونیزه تخنیکي ناسته د یاد معینیت د یو شمېر اړینو موضوعاتو د څېړلو په هکله ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د رئيسانو، سلاکارانو او تخنیکي مسؤلینو په ګډون د یاد معینیت د غونډو په تالار کې ترسره شوه.
په دې ناسته کې د بېلابېلو موضوعاتو په ځانګړې توګه د شفلوغ او پلتونې بندونو د جیوتخنیک ستونزو د هوارولو، له پنجشیر څخه کابل ته د اوبو د لېږد پروژې په هکله د معلوماتو د شریکولو، د حوزو د کارمندانو د وړتیا لوړولو لپاره د یوه پروګرام په لاره اچولو پلان او د حوزو لپاره د تخنیکي وسایلو د چمتوکولو په هکله بحث او د اندونو تبادله وشوه او اړین تصمیمونه ونیول شول.
د اوبو ښاغلي معین د ناستې په پای کې د موضوعاتو تر هر اړخیزې څېړنې وروسته، اړینې لارښوونې وکړې او همدارنګه یې اړوندو مسؤلینو ته مشخصې دندې وسپارلې، ترڅو یاد موضوعات په ښه توګه ترسره شي.
