د بلخ ولایت د اوبو ټولنو د رئيسانو او میر آب باشانو ستونزې او وړاندیزونه د بلخ ولایت د اوبو او انرژي له رئيس سره شریک شول
د بلخ ولایت د اوبو او انرژي رئيس محترم مولوي موسی جان حقبین د بلخ ولایت د اوبو ټولنو د رئيسانو او د بلخ سیند د اتلسګونو عمومي کانالونو له میر آب باشانو سره وکتل.
په دغه لیدنه کې، د اوبو ټولنو رئيسانو او د بلخ سیند د اتلسګونو عمومي کانالونو میر آب باشانو خپلې ستونزې او وړاندیزونه د بلخ ولایت د اوبو او انرژي له رئيس سره شریک کړل او د هغوی د هوارولو غوښتنه وکړه.
ښاغلي حقبین په دغه لیدنه کې هغوی ته د ستونزو د هوارولو په برخه کې د همکاري ډاډ ورکړ او لارښوونه یې وکړه، چې خپلې دندې د اوبو او انرژي وزارت له کړنلارو سره سمې پرمخ یوسي.
