د تخار والي او د دشت قلعې ښکتني پنج سیندیزې فرعي حوزې رئیس د آی خانم بندر په ساحه کې د تحکیماتي پروژې د چارو له بهیر څخه لیدنه وکړه
د تخار والي الحاج مولوي عبدالله امین زاده، د دشت قلعې ښکتني پنج سیندیزې فرعي حوزې رئیس انجنیر عبدالواحد رجب او د یاد ولایت یو شمیر نورو مسئولینو د تخار ولایت دشت قلعې ولسوالي ته د خپل سفر په ترڅ کې د آی خانم بندر په ساحه کې د تحکیماتي پروژې د چارو له بهیر څخه لیدنه وکړه.
د یادې لیدنې پر مهال، د دشت قلعې ښکتني پنج سیندیزې فرعي حوزې رئیس د نوموړې پروژې په هکله بشپړ معلومات د تخار له والي سره شریک کړل او د تخار والي د نوموړې پروژې د چارو له بهیر څخه خوښې څرګنده کړه او د یادي حوزې له مسئولینو سره یې د هر راز همکاري ژمنه وکړه.
