د ترکي شرکتونو د یوې ډلې مسؤلینو د اوبو او انرژي له وزیر سره په لیدنه کې د لمریزې برېښنا انرژي د تولید په برخه کې پانګونې ته لېوالتیا څرګنده کړه
۱۵/۱۰/۱۴۰۴ هـ ل
د اوبو او انرژي وزیر محترم الحاج ملا عبداللطیف منصور د ترکي شرکتونو د یوې ډلې له مسؤلینو سره وکتل او په افغانستان کې د لمریزې برېښنا انرژي د تولید پروژو په برخه کې د پانګونې په هکله بحث او د اندونو تبادله وکړه.
په دغه لیدنه کې، د ترکي شرکتونو مسؤلینو د افغانستان په بېلابېلو ولایتونو کې له ۱۰- ۱۰۰ میګاواټه په وړتیا د لمریزې برېښنا انرژي د تولید په برخه کې پانګونې ته لېوالتیا څرګنده او په دې برخه کې د همکاري غوښتنه وکړه.
په ورته مهال، د اوبو او انرژي وزیر په دغه ناسته کې د لمریزې برېښنا انرژي په برخه کې د ترکي شرکتونونو د پانګونې د هرکلي ترڅنګ، هغوی ته ډاډ ورکړ، چې اوسمهال په افغانستان کې له هره پلوه د پانګونې لپاره زمینه چمتو، امنیت ټینګ دی، او مونږ په دې برخه کې همکاري ته چمتو یو.
د دغې ناستې په پای کې پرېکړه وشوه، چې د دواړو لورو تخنیکي ټیمونو ترمنځ دې تخنیکي ناستې د پانګونې لپاره د عملي زمینې چمتوکولو په موخه ترسره شي.
