د دعوت او ارشاد ریاست اصلاحي او روزنیز سمینار د حسد او د اسلام له نظره د هغه د حکم په هکله ترسره شو
یاد سمینار د اوبو او انرژي وزارت د عوت او ارشاد رئيس ښاغلي مولوي ګل رحمن عارف په شتون کې د وزارت د ګڼ شمېر کارمندانو په ګډون ترسره شو.
د یاد سمینار په پیل کې د قرآن عظیم الشان څو آیاتونه د وزارت د جومات د ملا امام ښاغلي مولوي سید هارون له خوا قرائت شول او وروسته د اوبو او انرژي وزارت د دعوت او ارشاد رئيس ښاغلي مولوي ګل رحمن د اسلام له نظره د حسد او د هغه د عواقبو په هکله خبرې وکړي.
د اوبو او انرژي وزارت د دعوت او ارشاد رئيس حسد د کبیره ګناهونو له ډلې څخه یوه لویه ګناه وګڼله او د هغه د آثارو او عواقبو په هکله یې بشپړ معلومات د وزارت کارمندانو ته بیان کړل.
همدارنګه ښاغلي عارف ټول کارمندان د حسد څخه د پرهیز او د کبیره ګناهونو څخه لرې والي ته وهڅول او غونډه له خدای(ج) څخه له حسد څخه د نجات د دعا په غوښتلو سره پای ته ورسېده.
