د دهنې درې د برېښنا بند پروژې د قرارداد او د برېښنا شرکت د دریو پروژو د څېړنې په موخه د سترو قراردادونو د څېړنې ناسته ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د وزارتونو د معینانو او د یو شمېر اړوندو ادارو د استازو او تخنیکي مسؤلینو په ګډون ترسره شوه.
د ناستې په بهير کې، د کمیټې هغه غړي چې پخوا د یادو پروژو د څېړلو په موخه د سترو قراردادونو د څېړلو د رهبري پلاوي له خوا توظیف شوې وو، د خپل کار او څېړنو د پرمختګ بشپړ راپور وړاندې کړ.
د ټاکل شوې کمیټې د راپور تر څېړلو وروسته، د یادو پروژو د وضعیت د څېړلو او د ستونزو د هوارولو په هکله اړین بحث او د اندونو تبادله وشوه او د یادو څېړنو پایلې د پلاوي په عمومي راپور کې شاملې شوې ، ترڅو د افغانستان اسلامي امارت له اقتصادي کمیسیون سره شریکې شي.
