د سترو قراردادونو د څېړلو غونډه د اوبو او انرژي وزارت د اوبو په معینیت کې ترسره شوه
یاده غونډه د اوبو او انرژي وزارت د اوبو معین ښاغلي مجیب الرحمن عمر آخندزاده په مشري د اړوندو وزارتونو او ریاستونو د معینانو او استازو په شتون کې ترسره شوه.
په دې غونډه کې د ټولګټو وزارت د مهمو پروژو قراردادونه لکه: د کابل- لوګر، د لوګر تیلو ټانګ- چهل دختران، د کابل- میدان وردګ، د لوګر ولایت خوشي- محمد آغې او د دایکندي ولایت د نیلي ښار سړکونه تر څېړنې او بیاکتنې لاندې ونیول شول او د یادو پروژو په هکله بحث او د اندونو تبادله وشوه.
د یادولو وړ ده، چې دغه پلاوي ته د اسلامي امارت د کابینې له لوري دنده سپارل شوې چې ټول ستر قراردادونه وڅیړي او په پای کې دې د خپلو څېړنو پایلې د تفصیلي راپور په بڼه د اسلامي امارت اقتصادي کمیسیون ته وړاندې کړي.
