د سترو قراردادونو د څېړلو غونډه د اوبو او انرژي وزارت د اوبو په معینیت کې ترسره شوه
یاده غونډه د اوبو او انرژي وزارت د اوبو معین، ښاغلي مجیب الرحمن عمر آخندزاده تر مشري لاندې د اړونده وزارتونو او اداراتو د معینانو او استازو په ګډون ترسره شوه.
په یاده غونډه کې د ټولګټو وزارت د 9 پروژو په هکله بحث او د اندونو تبادله وشوه او همدارنګه، تر هر اړخیزې څېړنې وروسته، د پلي شویو پروژو د کیفیت د کنترول په برخه کې اړین تصمیمونه ونیول شول.
د یادولو وړ ده، چې یاد پلاوی د افغانستان اسلامي امارت د کابینې له لوري ټاکل شوی، ترڅو ټول ستر قراردادونه تر څېړنې او مطالعې لاندې ونیسي او په پای کې د خپلو څېړنو پایلې په یوه بشپړ راپور کې د افغانستان اسلامي امارت اقتصادي کمیسیون ته وړاندې کړي.
