د سمنګان ولایت د مرکز ایبک کهنه کانال د تحکیماتي دېوال د ترمیم پروژه ګټې اخیستنې ته وسپارل شوه
د سمنګان ولایت د مرکز ایبک کهنه کانال د تحکیماتي دېوال د ترمیم پروژه د سمنګان د اوبو او انرژي رئيس محترم مولوي محب الله عادل او ورسره مل ټیم په شتون کې ګټې اخیستنې ته وسپارل شوه.
نوموړې پروژه د سیمې د خلکو په مالي لګښت د سمنګان د اوبو او انرژي ریاست تر څارنې لاندې پلې شوه.
نوموړی کانال د ۲۲ کیلو متره اوږدوالي په درلودلو سره په سمنګان ولایت کې تر ټولو لوی کانال ګڼل کېږي، چې د ۶ زره جریبه ځمکې د خړوبولو وړتیا لري او ګڼې کورنۍ ورڅخه ګټه پورته کوي.
