د غزني ولایت د سردې بند له خوشې شویو اوبو څخه د کرنیزو ځمکو د خړوبولو بهیر په منظم ډول روان دی
۱۴۴۸/۵/۶ هـ.ق مطابق ۱۴۰۵/۷/۲۶ هـ.ل
د غزني ولایت د سردې ذخیروي او اوبولګولو بند له خوشې شویو اوبو څخه د اوومې ورځې لپاره د کرنیزو ځمکو د خړوبولو بهیر په منظم ډول روان دی او زیاتره کرنیزې ځمکې خړوبې شوې دي.
د یادونې وړ ده، چې د یاد بند د اوبو تر خوشې کېدو مخکې په کانالونو کې د اوبو د غوره بهیدو په موخه ټول کانالونه پاکاري شوي او د اوبو د څارنې او عادلانه وېش په موخه ګډ ټیمونه جوړ شوي، تر څو د اوبو د بېځایه لګښت مخنیوی وشي.
