د فاریاب ولایت د یو شمېر اوسیدونکو ترمنځ د حقابې پر سر شخړه هواره شوه
د فاریاب ولایت د اوبو او انرژي رئيس محترم مولوي محي الدین مبارز او ورسره مل د دغه ریاست تخنیکي ټیم د فاریاب ولایت د خواجه سبز پوش ولسوالي د یو شمېر اوسیدونکو ترمنځ د حقابې پر سر د شخړې د هوارولو په موخه نوموړې ولسوالي ته سفر وکړ.
ښاغلي مبارز د نوموړې ولسوالي له قومي مشرانو او ښکېلو لورو سره لیدنه وکړه او د حقابې پر سر د شخړې د هوارولو په هکله د بحث او اندونو تر تبادلې وروسته د شخړې له سیمې څخه لیدنه وکړه او دغې شخړې ته د پای ټکی کښېښود.
