د قرغې بند د خروجي مسیر کانالونو له جذبي څاګانو څخه تر بادام باغ پورې څارنه وشوه
د کابل سیندیزې حوزې عمومي رئيس محترم انجنیر حبیب الرحمن حقپال ، د منځنۍ کابل سیندیزې فرعي حوزې رئيس محترم مولوي ولي محمد تائب او د منځنۍ کابل سیندیزې فرعي حوزې سلاکار محترم انجنیر ناصر وزیري د نوموړو حوزو له تخنیکي ټیم سره د قرغې بند د خروجي مسیر کانالونو د کېندل شوو جذبي څاګانو څخه تر بادام باغ پورې او د لنډي کاریز په مسیر کې د کېندل شوو جذبي څاګانو څخه څارنه وکړه.
همدارنګه د نوموړو حوزو رئيسانو د پولي تخنیک او استخباراتو له مسؤلینو سره وکتل او هغوی ته یې د اوبو د اهمیت، د اوبو سپما او د ځمکې لاندې اوبو د پیاوړتیا په موخه د باران او کاریزونو د اوبو د کنټرول په هکله بشپړ معلومات وړاندې کړل.
