د لوګر ولایت یو شمېر ځوانانو د لوګر د اوبو او انرژي رئيس کړنې وستایلې
په دغه غونډه کې د لوګر ولایت د اطلاعاتو او کلتور رئيس محترم دوکتور رفیع الله صمیم، د کانونو او پټرولیم رئيس محترم مولوي نقیب احمد فرقاني، د سرې میاشتې رئيس محترم مولوي میرهاشم حزب الله، د طبیعي پېښو په وړاندې د مبارزې رئيس محترم قاري نورالله محمود او د یو شمېر نورو ادارو مسؤلینو او ځوانانو ګډون کړی وو.
په دغه ناسته کې، د کانونو او پټرولیم رئيس محترم مولوي نقیب احمد فرقاني او یو شمېر ځوانانو د لوګر د اوبو او انرژي رئيس محترم ملا محمد اسماعیل کړنې وستایلې او زیاته یې کړه، چې هغه په کم وخت کې لوګر ولایت ته خورا زیات خدمتونه ترسره کړي دي.
د یادونې وړ ده، چې د غونډې په پای کې د لوګر د اوبو او انرژي رئيس ته د یو شمېر مسؤولینو او ځوانانو له لوري د ویاړ پګړۍ هم ور په سر شو.
