د لوگر ولایت د مس عینک کان د ایستلو د پروسې لپاره د اوبو چمتو کولو په هکله د ام سي سي چینایې شرکت سره د همغږۍ او همکارۍ ناسته ترسره شوه
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې په داسې حال کې چې د اوبو او انرژي او د کانونو او پټرولیم وزارتونو یو شمیر رئیسانو هم شتون درلود د ام سي سي چینایې شرکت له مسئولینو سره وکتل.
په دغه لیدنه کې د نوموړي شرکت مسئولینو د اوبو سرچینو د پیژندنې، د لوګر ولایت د مس عینک کان د ایستلو لپاره د اړتیا وړ اوبو د تخصیص او چمتو کولو په برخه کې د اوبو او انرژي له وزارت څخه د همکاري غوښتنه وکړه.
د اوبو او انرژي وزارت د اوبو معین او د دغه وزارت تخنیکي رئیسانو د نوموړي شرکت مسئولینو ته ډاډ ورکړ، چې د لوګر ولایت د مس عینک کان د ایستلو لپاره د اړتیا وړ اوبو د تخصیص او چمتو کولو په برخه کې به ددغه وزارت له لوري اړینه همکارۍ وشي.
