د معلوماتي ټکنالوژي له برنامو څخه د ګټې اخیستنې د څرنګوالي سمینار ترسره شو
دغه سمینار د اوبو او انرژي وزارت د معلوماتي ټکنالوژي ریاست د مسؤلینو له لوري د دغه وزارت د یو شمېر مرکزي کارمندانو لپاره د معلوماتي ټکنالوژي له برنامو څخه د ګټې اخیستنې په برخه کې د هغوی د وړتیا لوړولو په موخه ترسره شو.
د دغه سمینار ګډونوالو ته له انټرنټ، رسمي ایمیلونو او پرنټر څخه د ګټې اخیستنې د څرنګوالي او د دومین سیسټم د پېژندلو په هکله ښوونه ورکړل شوه.
د یادونې وړ ده، چې دا د معلوماتي ټکنالوژي له برنامو څخه د ګټې اخیستنې د څرنګوالي په هکله د سمینار دوهم پړاو دی ، چې د معلوماتي ټکنالوژي ریاست د مسؤلینو له لوري د وزارت د کارمندانو لپاره ترسره کېږي.
