د میدان وردګ ولایت بهسودو ولسوالي لومړۍ حصه کې د اوبو رسونې شبکه ګټې اخیستنې ته وسپارل شوه
د میدان وردګ ولایت بهسودو ولسوالي لومړۍ حصه د دامن خلک په کلي کې د اوبو رسونې شبکې چارې د میدان ښار سیندیزې فرعي حوزې تر څارنې لاندې د نبي اکرم (ص) خیریه بنسټ له لوري بشپړې او ګټې اخیستنې ته وسپارل شوه.
د نوموړې شبکې د ګټې ته د سپارلو په مراسمو کې د میدان ښار سیندیزې فرعي حوزې رئیس مولوي عبدالصمد حلیم، د بهسودو ولسوالي استازي، د نوموړي خیریه بنسټ غړو او د سیمې مشرانو ګډون کړی وو، ښاغلي حلیم د غونډې ګډونوالو ته یادونه وکړه چې نوموړې پروژه د خلکو اساسي غوښتنه وه او د نبي اکرم (ص) خیریه بنسټ له غړو څخه یې مننه وکړه او له ځایي اوسېدونکو څخه یې غوښتنه وکړه چې د نوموړې پروژې څخه په پوره جدیت سره ساتنه وکړي.
