د ننګرهار د سیندیزې حوزې له مسؤلینو سره د ننګرهار ولایت د اوبو سرچینو د لا غوره مدیریت او د انرژي د تولید په هکله خبرې وشوې
د اوبو او انرژي وزارت سلاکار محترم ډاکټر فاروق اعظم ننګرهار ولایت ته د خپل سفر په لړ کې د ننګرهار سیندیزې حوزې له رئيس محترم سید فضل احد هاشمي او د نوموړې حوزې له یو شمېر نورو مسؤلینو سره د ننګرهار ولایت د اوبو سرچینو د لا غوره مدیریت او د انرژي د تولید په هکله خبرې، اترې وکړې.
په دغه لیدنه کې، ښاغلي هاشمي د اوبو او انرژي وزارت سلاکار ته د نوموړې حوزې د لاسته راوړنو، د اوبو سرچینو او د انرژي د تولید د وړتیا په هکله هر اړخیز معلومات وړاندې کړل او د ننګرهار ولایت د خلکو ستونزې او ړاندیزونه یې هم ورسره شریک کړل.
په ورته مهال، د اوبو او انرژي وزارت سلاکار د ننګرهار سیندیزې حوزې له رئيس سره ژمنه وکړه، چې ننګرهار ولایت ته به ځانګړې پاملرنه وشي.
همدغه راز، د اوبو او انرژي وزارت سلاکار او ورسره مل د ننګرهار سیندیزې حوزې مسؤلینو د ننګرهار ولایت د خوګیاڼیو ولسوالي اړوند په وزیر تنګي کې له هغه بند څخه هم لیدنه وکړه، چې د ننګرهار د سیندیزې حوزې له خوا یې تخنیکي سروې ترسره شوې ده.
