د ننګرهار سينديزې حوزې رئیس، د والي مرستيال او نورو مسئولينو د ننګرهار ولايت له بېلابېلو سرحدي ولسواليو څخه ليدنه وکړه
د ننګرهار سينديزې حوزې رئيس، الحاج سید فضل احد هاشمي، د ولایت مرستيال او نورو مسئولينو په ملتیا سره د ننګرهار ولايت د لعلپورې، دوربابا، نازيان، اچين او سپين غر سرحدي ولسواليو چې د ډېورنډ فرضي کرښې په امتداد پرتې دي، ليدنه وکړه.
نوموړو مسؤلينو د ننګرهار ولايت د سرحدي ولسواليو له قومي مشرانو سره ناسته وکړه او د يادو ولسواليو پراختيايي کارونه يې وڅېړل او د قومونو ستونزې يې په نښه کړې، تر څو ياد مسئولين په اړوندو برخو کې اړين اجرأت ترسره کړي او دغه پروسه به دوام لري.
