د ننګرهار سیندیزې حوزې د رئيس او د ګلوریا ودانیز شرکت د مسؤلینو ترمنځ د همغږۍ ناسته ترسره شوه
د ننګرهار سیندیزې حوزې رئيس محترم سید فضل احد هاشمي د ګلوریا ودانیز شرکت له مسؤلینو سره د ننګرهار ولایت په بېلابېلو سیمو کې د کاریزونو د تخنیکي سروې او جوړولو په موخه د همغږۍ ناسته ترسره کړه او په دې هکله یې بحث او د اندونو تبادله وکړه.
نوموړی شرکت د هغه تړون له مخې چې د یونیسکو نړیوال سازمان سره لري د ننګرهار ولایت په بېلابېلو سیمو کې به د ۱۰ کاریزونو پاکاري او تخنیکي سروې ترسره کړي او د جوړولو عملي چارې به یې د ننګرهار سیندیزې حوزې په همغږۍ سره په راتلونکي کې پیل کړي.
