د ننګرهار ولایت د حصارک، شیرزاد او سرخرود ولسوالیو له قومي مشرانو سره د اوبو پروژو د پلي کولو په هکله خبرې اترې وشوې
د ننګرهار ولایت د شیرزاد، حصارک او سرخرود ولسوالیو قومي مشرانو، سپین ږیرو او ځوانانو د ننګرهار سیندیزې حوزې له رئیس الحاج سید فضل احد هاشمي او د یادې حوزې د سلاکار انجنیر شمس الرحمن شمس سره په کتنه کې د اوبو پروژو د پلي کولو په برخه کې خپلې اړتیاوې او وړاندیزونه شریک کړل.
په دغه کتنه کې د ننګرهار سیندیزې حوزې رئیس د یادو ولسوالیو د ولسونو غوښتنو ته د رسیدګۍ په برخه کې د هر راز همکاري ډاډ ورکړ او زیاته یې کړه، چې په نوموړو ولسوالیو کې د وړو پروژو سربیره د یو شمیر لویو بندونو لومړنۍ سروې هم ترسره شوې ده.
