د هریرود- مرغاب عمومي حوزوي ریاست پلاوي د فراه ولایت د اوبو او انرژي ریاست ستونزې وڅېړلې
د هریرود- مرغاب عمومي حوزوي ریاست پلاوي د دغه ریاست د تخنیکي سلاکار محترم سید حسن فضلي تر مشري لاندې د فراه ولایت د اوبو او انرژي ریاست د کاري بهیر او ستونزو د څېړلو په موخه فراه ولایت ته سفر وکړ او د فراه ولایت د اوبو او انرژي له رئيس محترم ملا برهان الدین مینوال سره وکتل.
په دغه لیدنه کې، نوموړي پلاوي د نوموړي ریاست ستونزې وڅېړلې او د اداري سلسله مراتبو اصل رعایتولو باندې د ټینګار ترڅنګ، له هغوی سره یې ژمنه وکړه، چې د هغوی د ستونزو د هوارولو په برخه کې به هڅې وشي.
