د هلمند عمومي حوزوي ریاست او د هغه تر چتر لاندې ریاستونو لپاره د وړتیا لوړونې په موخه ښوونیزه برنامه پيل شوه
دغه ښوونیزه برنامه د اوبو او انرژي وزارت د اوبو چارو د تنظیم ریاست تر چتر لاندې د اوبو د تخصیص ریاست له لوري د هلمند عمومي حوزوي ریاست او د هغه تر چتر لاندې ریاستونو لپاره د وړتیا لوړونې په موخه په لاره اچول شوې ده.
په دغه شپږ ورځنۍ ښوونیزه برنامه کې د متخصصینو له لوري ګډونوالو ته د اوبو چارو د تنظیم اړوندو قوانینو، کړنلارو او د اوبو د مصرف کوونکو سکتورونو لپاره د اوبو د تخصیص د ورکړې او له دغه ورکړل شوې تخصیص څخه د څارنې د لارو چارو په هکله اړین معلومات وړاندې کيږي.
