د ولسي جرګې دوو غړو سره د اوبو د چارو د تنظیم ملي ادارې لوی رئيس لیدنه
د اوبو د چارو د تنظیم ملي ادارې لوی رئيس او د انرژي خدماتو د تنظیم ادارې سرپرست ښاغلي انجنیر خان محمد تکل په خپل کاری دفتر کې د ولسي جرګې دوو غړو حاجي خان محمد وردګ او محمد نعیم وردګ سره وکتل.
په دغه ناسته کې په میدان وردګو ولایت کې د اوبو براختیاي پروژو په ځانګړي ډول د اوبو لګولو بندونو، چکډمونو، د سربندونو بیارغولو، د اوبو لکولو کانالو او د سیند غاړو تحکیماتو باندې خبرې وشوې.
د اوبو د چارو د تنظیم ملي ادارې لوی رئيس ښاغلی انجنیر خان محمد تکل په میدان وردګو ولایت کې د اوبو پراختيا پروژو د تطبیق په برخه کې هغوئ ته ډاډ ورکړ او وې وویل د هغو پروژو چې تر اوسه د سروې او ډيزاین چارې تر سره شوي ډير ژر به یې عملي چارې پيل شي.
د یادونې وړ ده چې په میدان وردګو ولایت کې د اوبو لکولو دوه بندونو جوړول د د دغې ادارې په پنځه کلن پلان کې شامل دي او د چکډم پروژو په برخه کې ۵ پروژې تر کار لاندې او ۱۲ تر پلان لاندې دي.
همدارنګه اوسمهال په میدان وردګو ولایت کې د سربندونو او کانالونو بیارغونې په برخه کې ۲۸ پروژې پلي شوي دي؛ د سیندغاړو تحکیماتو په برخه کې ۲۰ پروژې پلي شوي؛ ۲ پروژې تر کار لاندې دي او تر ۴۰ زیاتې پروژې د سروې، ډيزاین او پلان لاندې دي.
