د پارنده پنجشیر د مایکرو هایدل برېښنا بند پروژې د قرارداد د نهایي کولو په موخه د همغږي ناسته ترسره شوه
یاده ناسته د اوبو او انرژي وزارت د مقام اقتصادي سلاکار ښاغلي الحاج محمد حارث زرمتي تر مشري لاندې د وزارت د انرژي پروګرامونو رئيس، د تدارکاتو ملي ادارې، مالیې وزارت، د افغانستان برېښنا شرکت د استازو او د قراردادي شرکت د مدیر په ګډون ترسره شوه.
په دې ناسته کې د پروژې په ساحه کې له پخواني قراردادي شرکت څخه د پاتې شویو ماشنیرۍ په هکله بحث او د نظر تبادله وشوه.
یاد ټاکل شوی پلاوی و توانېد چې له یاد شرکت څخه ۱۰۰۰۰۰ سل زره آمریکایي ډالر چې معادل یې ۸۸۰۰۰۰۰ اته میلیونه او اته سوه زره افغاني کېږي، په یاده پروژه کې تخفیف لاسته راوړي.
