د پایداره انرژي ریاست د پوهاوي ورکولو درې ورځنۍ سمینار د انرژي اغیزمنتوب، ساتنه او سپما تر سرلیک لاندې پای ته ورسېد
په یاد سمینار کې د پایداره انرژي ریاست تخنیکي مسؤلینو په هېواد کې د انرژي د وضعیت، له انرژي څخه اغېزمنه او ګټوره ګټه اخیستنه او همدارنګه د هغې د سپما د لارو چارو په هکله اړین او هر اړخیز توضیحات ورکړل.
د یادولو وړ ده، چې په اوسنیو شرایطو کې د هېواد د برېښنا انرژي وضعیت ته په کتو سره د انرژي اغېزمنتوب،ساتنه او سپما موضوع خاص ارزښت لري او د اوبو او انرژي وزارت د پایداره انرژي ریاست تر اوسه پورې په دې برخه کې اغېزمن او مثبت ګامونه اخیستي.
یاد ریاست په پام کې لري چې په راتلونکي کې د انرژي د سپما په برخه کې د پوهاوي ورکولو پروګرامونه لا زیات کړي.
