د پروان ولایت په واټر پمپ کانال کې د اوبو د غوره تنظیم په موخه د میر آب سیسټم رامنځته او غړي یې وټاکل شول
په واټر پمپ کانال کې د اوبو د غوره تنظیم په موخه د میر آب سیسټم رامنځته او غړي یې چې پکې میر آب باشي، میر آب، منشي او خزنهدار شامل دي، د پروان ولایت په اوبو او انرژي ریاست کې د یوې غونډې په ترڅ کې د پروان ولایت د مرکز او بګرام ولسوالي او د کابل ولایت د قره باغ او کلکان ولسوالیو د اوبو د ګټې اخیستونکو په شتون کې وټاکل شول.
د یادونې وړ ده، چې د دغه ډول سیسټمونو رامنځته کول د اوبو د غوره مدیریت، د شخړو د هوارولو او د اوبیزو تاسیساتو د حفظ او مراقبت په برخه کې مثبتې اغېزې لري.
