د پکتيا سينديزې فرعي حوزې رئیس د پاملرنې نړېوالې مؤسسې له همکارانو سره ناسته وکړه.
د پکتيا سينديزې فرعي حوزې رئیس مولوي محمد کریم فاتح د پاملرنې نړېوالې مؤسسې د پکتيا ولايت لپاره د کرنې او مالدارۍ پروژې مدير ښاغلي انجنیر حيات احمدزي او مل پلاوي سره د خپل کار په دفتر کې ناسته وکړه.
ناسته د کاري همکارۍ، همغږي او د غوره اړيکو رامنځته کولو په پار دايره شوې وه.
ښاغلي فاتح راغلي پلاوي ته ښه راغلاست وویل د رياست د بېلابېلو کړنو په اړه يې هر اړخيز مالومات وړاندې کړل، د اوبو په برخه کې د پراختيايي او رغنيزو چارو پرمخ وړلو په موخه يې پر لازمې همکارۍ او همغږۍ ټينګار وکړ او په دې برخه کې يې ځينې غوښتنې او سپارښتنې له اړونده مسؤلینو سره شریکې کړې.
د پاملرنې نړېوالې مؤسسې د پکتيا ولايت لپاره د کرنې او مالدارۍ پروژې مدير ښاغلي انجنیر حيات احمدزي د خپل پروګرام (د افغانستان له بيا رغونې پروسې څخه د ملاتړ پروګرام) په اړه مالومات وړاندې کړل. نوموړي دغه راز د چارو پر مخ وړلو کې د همکارۍ غوښتنه وکړه او د رئیس غوښتنې او سپارښتنې يې له پورته مقاماتو سره د شريکولو په موخه ياداښت کړې.
د ناستې په پاى کې ښاغلي فاتح له راغلي پلاوي مننه وکړه او د هر ډول همکارۍ ژمنه يې وړاندې کړه.
