د کابل ښار په دیارلسمه حوزه کې د ځمکې لاندې اوبو د تغذیې لپاره مناسبې ساحې په نښه شوې
د کابل سیندیزې حوزې عمومي رئيس محترم انجنیر حبیب الرحمن حقپال، د ځمکې لاندې ابو رئيس محترم انجنیر عزیزالرحمن عزیز او د کابل سیندیزې حوزې تخنیکی سلاکار محترم روح الله مایار د کابل ښار د دیارلسمې حوزې اړوند د قروغ غره په لمنو کې د شنو خونو، ریګراشنونو او شته آبریزو څخه لیدنه وکړه او د ځمکې لاندې اوبو د تغذیې لپاره یې مناسبې ساحې په نښه کړې.
همدارنګه یادو مسؤلینو د پغمان ولسوالي اړوند د ارغندۍ درې اوبه چې تر اوسه پورې د ګټې اخیستنې پرته د سیند په مجرا کې بهیدلې، د لویو شته ژورو کندو په واسطه چې د څو کلنو په ترڅ کې خصوصي شرکتونو د سیند له مجرا څخه ساختماني مواد ایستل او په لویو ګودالونو بدل شوې وي چې د 1.94 میلیون متر مکعب اوبو د ذخیره کولو وړتیا لری، مدیریت کړې .
د کابل سیندیزې عمومي حوزې مسؤلین په پلان کې لري چې هغه ټول تدابیر په لاره واچوي چې د پغمان ولسوالي اړوند درو د سطحي اوبو د مدیریت لپاره اغېزمن تمام شي.
